يا خــــألق ألخــــــلق

لو جار وقتك عليك وباروا أصحابـك
وضاقت عليك الوسيعه وأنكتم صدرك

أزبن على اللي يفرج كل مـا صابـك
واسجد لوجهه خشوع ويرتفع قـدرك

لانه هو الواحد اللـي عـارف ٍ مابـك
بيده يجلي همـوم الضيـق ويسـرك

أخلص بصدق الدعاء والخوف ينتابك
ولو جيت له تايب ٍ ما يمكن يضـرك

ارفع له أيديك ودموعك هي أخطابـك
وناجه بصدق الدعاء في سرك وجهرك

وقل يا الله إني دعيتك تفتـح ابوابـك
وترزقني العفو وارزقني بعد شكـرك

أنا الضعيف بخطأي وحاسب أحسابـك
يا فارج الكرب وضعي ما هـو يغـرك

عبدك لاجا بك ويخشى منك ويهابـك
يبغي مغفرتك يا اللي ضافي ٍ ستـرك

يا خالق الخلق أنا عبدك علـى بابـك
أطلبك وأخشى عذابك مذنب ومـدرك[center]