منـتـدى رنـيـن
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منـتـدى رنـيـن

منتدى رنيـــن يـرحــب بــآلــزوآرٍ
 
الرئيسيةأحدث الصورالتسجيلدخول

 

 كلمات اغانى ام تى ام كلها rab

اذهب الى الأسفل 
كاتب الموضوعرسالة
SaMo ZaEn The Star
عضو جديد
عضو جديد
SaMo ZaEn The Star


عدد المساهمات : 14
تاريخ التسجيل : 08/10/2009
العمر : 34

كلمات اغانى ام تى ام كلها    rab Empty
مُساهمةموضوع: كلمات اغانى ام تى ام كلها rab   كلمات اغانى ام تى ام كلها    rab Icon_minitimeالخميس أكتوبر 08, 2009 4:43 pm

اول حاجة امى مسافرة
هههه مش انا دة اسم الاغنية



النهار ده يوم الاجازة امي مسافرة رايحة جنازة
وصلتها لحد الباب خبطتني فكرة استاذة
عندي عدة وعندي سيديز والنهار ده يوم الخميس
يعني كله في اللذيذ ما فاضلش الا التنفيذ
كلمت كل صحابي علطول
ما كانش فيهم حد مشغول
كله كان برد يقول يا قشطة يا بيس يا اما كول
كده ما فاضلش الا حاجة بس
افضي البيت من كل العفش
اصل في ناس تبقى غاوية كسر
ومش طالبة تقلب بأفش
حطيت في كل حته سماعة وحطيت سيديهاتي في بتاعة
كلو جاهز للاذاعة ولسه بدري فاضل ساعة
قعدت فكر سألت نفسي انا لسه حافضل مستني
رحت جبت الميكروفون وصلتو وقعدت اغني
امي مسافرة واعمل حفلة بس يا ريت ما تجيش على غفلة
ولا جيرانا تبلغ عنا ولا الكهربا تعمل قفلة

وصلت البيت اجي الساعة تمانية
لابس تي شيرت فريق المانيا
بصيت لقيت بيتو بقى حاجة تانية
والحفلة اتملت في ثانية
مزيكا جامدة وكلها جاز
را ب هاوس ...
وكل دقيقة تزيد الناس
وانا واقف عل الباب محتاس
اجي ناس برة عاملين سياح
جايين ومعاهم سلاح
خلوني بقيت مش مرتاح
رحت قافل بالمفتاح
وكتبت ورقة عل الباب تقول
ممنوع دخول اي مسطول
لو الكلام دة مش معقول معليش انا المسئول
قلت اشوف بقى ناس دي شوية
قعدت ارقص واصحابي حواليا
فجأة رمولي مايك في ايديا
وقالولي غني اغنيا

الحفلة دي انا مستنيها
خد العربية وجيت بيها
من كتر الزحمة حواليها
ما لقيتش حتة اركن فيها
رحت راكنها علي الرصيف
والمنظر كان مرة ظريف
ناس كتير شكلها نضيف
بنات لذيذة دمها خفيف
وانا واقف برقص في مكاني
شفت شلة بنات عاجباني
كان فيهم واحدة اعرفها
بس ماكنتش بستظرفها
قلت معليش اظبتها
علشان ارقص مع صحبتها
والصبح طلع علينا والناس مشيت
قعدنا رتبنا ورصينا
وبعدين طبلنا وغنينا

امي مسافرة واعمل حفلة
بس ياريت ما تجيش علي غفلة
ولا جرانا تبلغ عنا
ولا الكهربا تعمل غفلة

***

كلمة مقولتهاش


فيه حاجات ممكن تتنسي
فيه حاجات مابتتنسيش
برده الواحد مهما مشى
الطريق ما بينتهيش
فيه حاجات ممكن تتنسى بس بنفتكرها ساعات
مهما الوقت فات برده بتفضل ذكريات
عمرك حسيت انك ندمان على كلام كان لازم تقوله
أوقات شفت الحظ بعينك مقدرتش تطوله
كل اللي بيحصلنا مكتوب لنا ده القدر
حتى لو معاك شمسيه مش هتوقف المطر
اتخلقنا من التراب وهنرجع للتراب
الموت بيفرق بين الاهل والوقت بيفرق بين الصحاب
فيه ناس كان نفسي يكونوا جنبي دلوقتى
وهما دول الناس اللي أنا ليهم رسالتي
أنا مش عارف ليه أنا كنت خايف أقول إن أنا آسف... أنا آسف
أنا آسف في كلمة
كلمة ما قلتهاش
آه لو كنت قلتها
كان اليوم ده ما جاش
جرب تسأل نفسك مرة
بطل تتهرب من نفسك مش حتبقى حرة
إلا لو جربت بنفسك
تتعرف على كل الناس
تتكلم مع ده وده
تكره ناس وتعز ناس
وناس تروح على سهوة
تعمل إيه لو كنت مكاني
أعز أصحابي بقى واحد تاني
كان نفسي أفضل جنبه
يمكن يسمع كلامي
دلوقتي ضميري بيجرى ورايا
عشان أخويا بيضيع قدامى
عشان سنين قضاها معايا
كانت أحسن أيامي
كلمة ما قلتهاش وكان نفسي أقولها له
عندي إجابات لأسئلة شاغلة باله
لو هو سامعني أنا بقول أنا غلطان
أنا آسف في كلمة
كلمة مقولتهاش
آه لو كنت قلتها
كان اليوم ده ما جاش
فيه حاجات ممكن تتنسى
فيه حاجات مابتتنسيش
برده الواحد مهما مشى
الطريق مبينتهيش
بقالنا كتير ماتكلمناش
كتير مااتقابلناش
ذكرياتنا منها اللى اتنسى
منها اللى عاش
كان نفسنا نكمل ملحقناش
ويمكن ده كان احساسى انا بس
كانت كلمه ماقولتهاش
فرصه ماخدتهاش
والنتيجه ان انا ندمان
والحقيقه ان انا انسان
مش غريب ان انا غلطان

الغلطة انى سكت
وانى عمرى ما اتكلمت
ولما جاتنى الفرصه انى اعمل حاجه استسلمت
لو كان بإيدى دلوقتى انى ارجع الوقت
كنت رجعت للوقت لما كان حبنا بجد
لكن مستحيل انى اغير الحقيقه
الموت خدك منى ومبقاش ليه حد
انا اسف فى كلمه
كلمه مقولتهاش
كلمه لو كنت قولتها
كان اليوم ده مجاشى
فيه حاجات ممكن تتنسى
فيه حاجات مابتتنسيش
برده الواحد مهما مشى
الطريق مبينتهيش
أنا آسف في كلمة
كلمه مقولتهاش
كلمه لو كنت قولتها
كان اليوم ده مجاشى

***

ليه تشكي




تاكي : ابقى كداب لو قلت في مرة اني نسيت ايام زمان .. مهما كان مش هنسى صحابي القدام الايام بتعدي و الحياة بتستمر دلوقتي بس عرفت ان انا كبرت ابتديت دلوقتي افهم معنى كلمة المصالح .. ناس تبقى اصحابك بس الكذب في عينهم واضح .. واضح ايه جواهم و اللي كانوا فاكرينوا سر حاولت كتير معاهم و استحملت ممكن اكون صغرت في عينهم بس خلاص ما بقاش يهم مش هسأل ليه بيقولوا عليا كلام زي السم مش مهم مين يتكلم مش مهم مين ينن المهم ان المهمة بتاعتي لازم تتم سيبكوا من الكلام بقى سيبكوا من الفضايح سيبكوا من الكذب انتوا بتلعبوا في الوقت الضايع على العموم كله رايح مفيش فايدة من النصايح .

مايكي : ليا واحد صاحبي قريب جدع كويس و كمان طيب و نتيجته في الكلية زي ما هي دايما جيد بيحب واحدة زميلته يعرفها من يوم ما قابلته هتقولوا لي ايه مشكلته مشكلته يا جماعه مع عيلته انا مش فاهم ليه مصرين انه يتجوز بنت خاله قال ايه كانوا متفقين طب بس وهو ماله دلوقتي قاعد حزين مابيتكلمش و قاعد في حاله بقى عامل زي المجانين هيرحب بالموت لو جالوا

محمود : شديت بسبوري و خدت الفيزا اهوه جه دوري اروح امريكا ارض الاحلام بلد الافلام و متنساش المزيكا . مكنتش عارف رايح فين او هجيب فلوس منين كل اللي انا كنت عايزه اني اتصرف في قرشين كنت حاطط في دماغي اني اعيش يومين كنت فاكر اني هعمل من الالف الفين و دوخت على شغل و رحت و جيت كتير و دقت هناك المر و شفت اني اسير لناس ملهاش كبير لناس ملهاش ضمير لناس ما بتتمناش لحد غيرها خير و كانت ضربة قاضية يوم مرحلوني رجعت و ايدي فاضية ده غير كمان ديوني جنوني و الفلوس عموني صدقوني حقكوا ادهوني


***

كل ليلة بسهر




أنتى على بالى كل دقيقة وكل ثانية
أنتى بالنسبة لي في الحقيقة حاجة تانية
أنتى في عيني البنت الكاملة والوحيدة اللى بعيش بيها
صدقيني دي مش مجاملة
دي الحقيقة اللي مخبيها
أكيد كنتي أنتى ملاحظة م الطريقة اللى بعاملك بيها
وآهي جت اللحظة اللى آجي وأقولك فيها
أقولك اللى بيا..أقولك اللى فيا
أقولك انى ليكي وأطلب منك تبقى ليا
وأنا عمري ما قلت لأي حد حاجة زي ديا
صدقيني بجد أنا في حالة مش طبيعة
واسهري فكري بالراحة لو كنتي حاسة بيا
جاوبيني بكل صراحة ومتخبيش عليا
وأنا عايزك تعرفي اني هفضل جنبك باستمرار
جنبك طول المشوار
جنة ان كان أو نار
أنا من غيرك زي جيتار
بس جيتار من غير أوتار

كل ليلة بسهر..بسهر وأقعد أفكر
أنتى بتحبيني ؟..ولا أنا بحبك أكتر؟

أكيد الواحد مينفعش يعيش لوحده مهما ان كان
برده الانسان
لازم يدور ع المكان
اللى شايفه في الأحلام
اللى عايزه من زمان
اللي يلاقي فيه الأمان والسلام
...كمان...
لما خدعني وخاني وباعني وقالي كلام
وأنا لما سمعت عرفت أنها أوهام
وفهمت انه بيوقع بيني وبينك
وافتكرت لما كانت عيني في عينك
قلتي لي انك ملكيش في الدنيا الا أنا
والسنة...اللي قضيتها معاكي كانت هنا
صدقيني...أنا واثق انك انتى بتحبيني
ولا يمكن حد يفرق بيني وبينك

كل ليلة بسهر..بسهر وأقعد أفكر
أنتى بتحبيني ؟..ولا أنا بحبك أكتر؟

أنا كل ليلة بسهر ..بسهر وأقعد أفكر
في اللغز اللى أنا عايش فيه
مش عارف ازاي يتفسر
...متأثر...
من جوا قلبي متكسر
أيوة بعزك أنتى بسسسسسس...بحبها أكتر
والمشكلة أن أنتوا أصحاب
وياريت كنتوا أغراب
حاولت أقرب منها بصيت لقيت سراب
حسيت اني بعيد
لقيت نفسي وحيد
والخطوة اللي هاخدها اني أفكر من جديد
أنا عارف اني غلطان
وياريت تبقى مسمحاني
اررررجعيلي تانى صدقيني أنتى وحشاني
فهماني؟...حبك انتى اللى يتحس
سمعاني؟...انتى حبيبتي وبس

كل ليلة بسهر..بسهر وأقعد أفكر
أنتى بتحبيني ؟..ولا أنا بحبك أكتر؟


***

احسبها صح


تاكى :
اسمع منى نصيحة قبل ما تعمل اى فضيحة
فى مدينة اسكندرية بتحصل حاجات غريبة وفى الواقف اللى زى ديا لازم نحسبها صح
محمود احكيلنا حكايتك

محمود :
صباح الخير يوم جميل اقعد فى البيت لأ دا مستحيل
كلمت تاكى اشوف ايى الدييل
لقيتة نايم نوم الفيل
نزلت امشى فى شارع النزهة شفت حتة بنت تحفة جيت اكلمها ومن خوفها
راحت مصوتة ومنادية جوزها
اتاريها من نفس الحتة وجوزها دا كان راجل جتة
راح ماسكنى هوا و 6 ضربونى وطبقوا الجاكتة
وواحد اسموا حموا اليابانى قالى : متجيش هنا تانى
رحت واخد ديلى فى سنانى و نزلت الم صحابى وجيرانى
والموضوع كدا مش حايعدى وانا لسة حروح اخد حقى
ومن هدودمهم حاعض انقى اى حاجة تيجى على قدى

لما تبقا فى حالة غريبة او فى حياتك حاجة كئيبة قبل ما تعمل اى مصيبة احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها صح

مايكى :
مساء الخير ليلة فل
صووت الشارع بيندهلى اقعد فى البيت دا يبقا ذل بس حاعمل اية مع اهلى
عايز اطبق العربية بس اخويا حيسيحلى
امى عايزة التمثيلية وابويا عايز متش الاهلى
اعمل اية نفسى ارتاح
انا خلاص جبت اخرى
بالعافيا خت المفتاح فتحت الباب ونزلت اجرى
رحت مدور جبت الاول
جت سليمة وطلعت بخير
بس مكنتش خالص اتصور انى ماشى عكس السير
فجأة لقيت عربية جاية جاية وبتضرب رعاش
مش ححكيلكم عال بقية علشان قاعد فى الانعاش

لما تبقا فى حالة غريبة او فى حياتك حاجة كئيبة قبل ما تعمل اى مصيبة احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها صح

تاكى :
33 يوم منحوس دقنى طويلة معنديش موس
عندى ميعاد مع 4 بنات بس المصيبة معيش فلوس
لازم احل المشكلة العملية مقفلة
ومحدش حيسلفنى علشان ديونى المتلتلة
افتكرت بتاع البيكيا بيشترى منى اى حاجة
وفى ثانية واحدة جتنى فكرة انا ممكن ابيعلة التلاجة
اديتة رنة راح مكلمنى وعرضت علية الموضوع
اتفقنا يأجر منى ويرجعها بعد اسبوع
خدت الفلوس رحت بيها كذا حتا وصرفتها كلها فى هبالة
صحيت تانى يوم معيش ولا نكلة ( اية الحل )
الغسالة
صح كدا . صح كدا

لما تبقا فى حالة غريبة او فى حياتك حاجة كئيبة قبل ما تعمل اى مصيبة احسبها صح
لما تبقا عال الحديدة مبتعملش حاجة مفيدة فكر تعمل حاجة جديدة واحسبها صح



***

اركن على جنب



تاكى :
المكان اسكندرية الساعة 1 بالليل
ماشى بالعربية مافياش حيل
مش معقول قاعد بفرك طول اليوم
بحلم بالنوم مفيش احلى منوا
عايز اروح ببص جنبى لقيت واحدة لابسة موفف على بامبى
بتشاورلى وتقرب منى مفيش ثوانى ولقيتها جنبى تقولى
اركن على جنب
بتقولى انا :
اركن على جنب
قلتيلها فكك منى ابعدى عنى انا مش طالبة معايا فرهدة
دماغى ملخبطة من كتر ما بغنى يالا روحى وبلاش هفلطة
التريك دا فوقنى مبقتش عايز انام عديت على مايكى اشوف اية الكلام
اديتة رنة راح نازلى وقعد جنبى قدام
قلتيلوا سوق انتا علشان انا تعبان بصيلى وقالى
تاكى : اركن على جنب
يا تاكى : انتا نمت ولا اية
اركن على جنبك

مايكى :
برضه اسكندرية بس الساعة 2
اول حاجة عايز اعرفها حنروح على فين
تانى حاجة لاحظتها ان مفيش بنزين
كدا اليوم مش حيمشى زى ما احنا عايزين
متزاولين
شمال ولا يمين
بندور على فلوس بس مش لاقيين
لقيت تحت الدواسة ورقة ب50
وفى البنزينة قلت 20 90
قالى
اركن على جنب
يا كابتن
ايوة اركن على جنب
كدا تمام مظبطين ممكن كدا نعمل حاجة بدل ماحنا قاعدين
اة اة دانا نسيت دا فى ناس مستنين
شغلنا مزيكا وعلى 100 طايرين
فجأة لفيت قدامى ظباط واقفين
فرملت مرة واحدة رحنا مخيشين
وفى واحد عال كبوت مش عارف شبة مين بعديها لقيت ظباط واقفين بيقولو
اركن على جنب ورخصك
يا كابتن
اركن على جنب علشان الطريق

محمود :
مستشفى اسكندرية الساعة 3 وشوية
خبطتنى عربية مش غريبة عليا
مايكى وتاكى عملوا حادسة وكلمونى من القسم وانا قاعد فى المستشفى مجبسينلى ايدايا
دلوقتى كل حاجة بتبان قدام عينيا
الحادثة اللى عملوها المرة دى جت فيا
نزلت من المستشفى مش عارف راسى من رجليا وشاورت لاول عربية جاية وقلت
اركن على جنب
يا عموووووو
اركن على جنب
ركبت مع واحد طيب بس رغاى
عايز كل حاجة حصلت امتا وازاى
بيقولى تتعشا ولا تشرب شاى
قلتلو طب نزلنى عند الشارع الجاى
وبمخ صاحى وجسم مقتول طلعت اجرى عال القسم ومشينا نقول
قالى : قالوا اركن على جنب
قالتلى : قالتلوا اركن على جنب
قالولى : قالولو اركن على جنب
قولولهم : يالا اركن على جنب

***


اى كلام




كل يوم بروح البيت تعبان بحس ان انا نعسان
ولما بخش السرير وانام بشوف احلام . اوهام
اى كلام فى الاحلام

محمود:
انا فاكر فى يوم صحيت مل النوم طلعت اجرى عال تليفون كلمت مايكى مش موجود
كلمت تاكى لقيتة مخموووود
رحت داخل اعمل فطار اديتها فول بالزيت الحار
خلا بقى مشعلل نار رحت شارب كاس فوار
ودخلت لامى اعمل حوار
عايز الكار اروح المطار
فى واحد صاحبى طيار جاى من كفر الدوار
قالتلى مش ناقصة هزار دانتا لسة خابط حمار وحظك مطلعش صعيدى واهلو مخدوش بالتار
قلتلها ماشى ورحت ماشى وقعدت ادعى على المواشى وفى الجرنان لقيت خبر جنون البقر مازال متفاشى
وتلاشى شعب فلسطين ومنتخبنا خسر من مين وفى الاخر حظى يقولى كلة تمام لأ كلة سليم

الكل : كل ليلة لما انام فى الاحلام بشوف اوهام ومش عارف دى حقيقة ولا دا اى كلام

تاكى :
قاعد فى اوضتى بحضر جن فجأة سمعت جرس بيرن
مين فى الوقت دا جاى يزن دا اكيد مايكى رايح الجيم
الحديد مش قادر اشيلة ومايكى بيشيل 100 كيلو
قلت لامى قومى افتحيلة حخلص اللى فى ايدى واجيلة
اية دا اية دا
لا لا لا
عفريت بجد دا ولا اية
عفريييييييييييييييييت
قرصت نفسى دعكت عينيا عفريت طلعلى بقا بين ايديا
قعدت افكر شوية هى تبقى اية اول امنية
اول حاجة جت على بالى فلسطين فى الوضع الحالى اسرائيل خليتها تلالى
قلت للعفريت شيلهالى
لا عايز فلوس ولا عايز قصر
اصل دبونا ملهاش حصر
قلت للعفريت سددها بس ابقا هاتلى بيهم وصل
وشوف بقا اية اخر امنية دى اكيد حاجة حتبقا لية
خلصت فترة الصلاحية والنبى هاتلى كارت ب 100

كل ليلة لما انام فى الاحلام بشوف اوهام ومش عارف دى حقيقة ولا دا اى كلام

مايكى :
قاعد فى البلكونة بتشمس باكل جبنة وفول مدمس
بشرب شاى بايدى الشمال وبالايد التانية بغمس
بصيت من البلكونة لقيت عيال واقفة تحت البيت
ماسكين واحد جنب الحيط منظر خلانى اتربيت
ولما واحد طلع مطوة خلانى بقيت قلقان
قلت لازم اخد خطوة لازم اكلم سوبر مان
طلعت اجرى على الصالون
رفعت سماعة التليفون
وفجأة سمعت التليفزيون دا مزيع كورة بيقول جون ودى واحدة مل المسابقات
وانا عن نفسى مليش فى الكورة
حفضل ادفع مكالمات وامى تزعق عال فاتورة

كل ليلة لما انام فى الاحلام بشوف اوهام ومش عارف دى حقيقة ولا دا اى كلام



***

طب ليه وازاي



محمود :
اهلا بيكم فى الالفية. اتفضلو شوفو العولمة
مفيش سلام فى حرب عالمية حنخشها انتا وانا
ممكن تكون كمان كام يوم كمان كام شهر كمان سنة
الحال يدوم ومين نلوم الحب دا نهر ولوفنة
يبقا احنا كلنا ندفع تمن غلطة زمن
ونعيش كلنا من غير امل دا محتمل اية العمل
لازم نكون داخلين المغامرة علشان احنا فاهمين الوؤامرة
دى باينة ومن غير كلام بالنسبة للسلام الاشارة حمرا

طب مين طب اية طب لية وازاى ( كام واحد مننا )
طب مين طب اية طب لية وازاى ( ويسلم نفسة للحياة )
طب مين طب اية طب لية وازاى ( وامتا حنسكت على دا )
طب مين طب اية طب لية وازاى ( لا لا لا لا لاااااااا )

مايكى :
طب لية طب مين طب اية
اسمع كلامى وفكر فية
اسألنى عن فنى واعرف لية فكرت انى اغنى علشان اوصل كلامى ليكو ( كل حاجة اهى باينة قدام عينيكم )
طب اية طب ليه لامتى حتجرى ورا الجنية
الحل باين لييك قدام عينيك بس ادى نفسك فرصة وبص علية
وفى ناس تاخد فلوسنا وتهرب
ومتفرقش معاهم ان الدنيا تضرب تخرب
وفى ناس بتعيش لغيرها تراعى ضميرها فى خط سيرها
عشان الواحد عمرو ما يعرف حياتة هى فين اخرها

طب مين طب اية طب لية وازاى ( كام واحد مننا )
طب مين طب اية طب لية وازاى ( ويسلم نفسة للحياة )
طب مين طب اية طب لية وازاى ( وامتا حنسكت على دا )
طب مين طب اية طب لية وازاى ( لا لا لا لا لاااااااا )

تاكى :
ساعات بحس ان انا مش فاهم اية اللى بيحصل
ساعات بحس ان انا مش عارف امتا كلامى حيوصل
ساعات بحس ان انا مش قادر استحمل واقول لنفسى ان انا مش حكمل
وساعات بحس ان انا ممكن اتحول وابتدى مل الاول
كام متسول كام شحات
كام منهم عمرة طول كام واحد منهم مات
كام مزور كام نصاب
كام ممول للارهاب
كام واحد معملش حساب للناس ولاهلة
كام واحد باع صحابة بالذات اللى كانوا يستاهلوا
كام واحد اختار دنيتة
كام واحد اختار اخرتة
كام واحد عايز الاتنين بس الدنيا لهتة

طب مين طب اية طب لية وازاى ( كام واحد مننا )
طب مين طب اية طب لية وازاى ( ويسلم نفسة للحياة )
طب مين طب اية طب لية وازاى ( وامتا حنسكت على دا )
طب مين طب اية طب لية وازاى ( لا لا لا لا لاااااااا )

***

طول ما بتنفس




تاكى:
دى ثقافة المدينة دا تمدين الموسيقى
مزج الثقافات بدون سرقات

محمود : يا سلام يا دكتور قول كمان

تاكى : لما المايك يجى فى ايدى لازم تسمع اللى بقولة وتدقق فى كل كلمة لو قعدت الليل بطولة
لما تسمع ممكن تلسع بس حترجع تانى وتسمع
امتا ممكن يشبع
لما mtm يدولو يسمحولو من 1 ل 100 عد
دايمان خليك للاغنية الجاية مستعد
ممكن تكون جد وهى هزار هزار وهى جد بس لو كانت داخلة دماغك متاخدش برأى حد الا نفسك
اهرب مل اللى حابسك جوا نفسك
اللى مخلى اللى فى قلبك مش باين على شكلك
امشى على مهلك خد طريقة اسلك وانتا تسلك

مايكى :
يا معلم لما تكلم انتا تبلم لو كنت بتضحك او تتألم
اهو بتتعلم
ازاى المزيكا بتتقدم
الصبح طلع علينا بس الدنيا مش حتضلم
مهما اتألم عمرى ما افكر انى استسلم مش حتقفل الافكار اللى حتتجسم
ممكن اكون صريح معاكم بس على الاقل مش بمثل مش بأفلم مش بمثل

محمود :
ممكن تكون بتمثل لو فكرت يوم تكسل قاعد على قهوة مبتشربش غير معسل
الحلم اللى انتا عايزة مش هوا اللى انتا عايشة
لازم تجيب بدايتة ومتفكرش فى نهاينة
لو شايفة يبقا اكيد مش بعيد
لو حاسو حتوصلو ودا اكيد
مل الاخر ودا المفيد
طول ما بنتنفس فى جديد

فكك يبنى من التعقيد بنقدملك المفيد افكارنا عمالة تزيد
طول ما بنتفس فى جديد

مايكى :
اكيد كدا انتوا فهمتم وعرفتو ان كلامى لة قيمتوا وميزتة لو صحيتوا او نمتوا مش ممكن حتنسوا حتفضلو تفتكرو
محمود قالهالى مرة

محمود : حتجنوا لو سكتوا

تاكى : ايوة دا كلامك وانتا ياما قلتوا وعيدتوا

مايكى :
وسيبكوا اديكو اتعلمتوا حاجة تساعدكو فى مصيركو

تاكى :
ومصيرنا مهما تعبنا او سهرنا او صغرنا او كبرنا
اتجنينا او عقلنا بردوا مش حنجيب اخرنا وحنوصل لو قدرنا
ولو مش احنا يبقا غيرنا حد تانى مش فى جيلنا

محمود :
وجيلنا فرصتوا فى ايدة بس يفكر يعمل حاجة تفيدوا
ولعلمك الكلمة اللى انا بقولها مش حتقلل منو دى اكيد حتزيدوا

مايكى : المرة دى مش اى كلا م
ركز كويس
جاى اديكم فكرة بسيطة نبذة عن فيلمى المتميز
دا موجود فى كل الشعوب شرق وغرب شمال وجنوب ومسيروا فى مصر حيسود مش كدا صح يا محمود

محمود :
طبعان اكيد انتا كدا جبت المفيد
ودول مش بس كدا مع الوقت حيزيد
ومش حنبطل ابدان ولا بعد 100 شريط
طول ما بنتنفس فى جديد

فكك يبنى من التعقيد بنقدملك المفيد افكارنا عمالة تزيد
طول ما بنتفس فى جديد


***

بتهتهي في الكلام




زهقت خلاص زهقت
قلتلك زهقت بقولك زهقت
زهقت زهقت

زهقت من تصرفاتك من حوراتك من كلامك عن حياتك
كده كترت غلطاتك
زهقت من صحابك من علاقاتك
وعلاقتنا كده باظت وانتى عارفه ان انا قاصد
كل جمله كل كلمه كل حرف
كل حاجه بتعمليهالى بتعمليهالى على شرط
وانا عمرى ما قصرت عمرى ما استخسرت
كان ذنبى لما اخترت يمكن اتهورت

دلوقتى فوقت عرفت ان ده مش حب
دى مصلحه
وكنت بقول لنفسى يمكن مش قصدها
دلوقتى بانت على أصلها
واللى حصل للى قبلها دلوقتى هيحصلها
والكلام ده هيوصلها دى حقيقه مش كابوس

انتى سبتى حبى ورحتى اخترتى الفلوس
وكنتى فاكره انى هرجع لما تدعكى الفانوس
لا ده كان زمان
دلوقتى كلامك مش محسوس

لما اسألك رايحه فين بتهتهى فى الكلام
لمااسألك جايه منين بتغيرى فى الكلام
اى حاجه كل حاجه بتتلجلجى فى الكلام
اصل انتى عندك عاده بتحورى فى الكلام

بتهتهى فى الكلام بتغيرى فى الكلام
بتتلجلجى فى الكلام
اصل انتى عندك عاده بتحورى فى الكلام

ليه متردده بين ده وده بالشكل ده
اقولك سلام متلهوجه مشفتش حاجه زى كده
متلجلجه فى الكلام اقول لك حاجه بقى من غير زعل
انتى ما فيش منك امل
متسرعه وقوام قوام ترجعى فى كلامك هوا

ممكن تقولى ان انا مجنون
بس انتى كلامك مش مفهوم
دايما زهقانه ومش فى المود
والحورات معاكى ملهاش حدود
قولتلك قبل كده متخلينا اصحاب
رجعتى تانى عملالى حوار
مش هصدق كلامك تانى
حبك جد ده ولا هزار

بتهتهى فى الكلام بتغيرى فى الكلام
بتتلجلجى فى الكلام
اصل انتى عندك عاده بتحورى فى الكلام

متقلبه خليتى حياتى معاكى متشقلبه
والمشكله ان مافيش حاجه مترتبه
لو هنفضل على كده
كل سنه وانتى طيبه

مش قادر اعيش مع واحده بشخصيتين
مش عارف اركز مع انهى واحده من الاتنين
لو غبت عنها يومين بتقولى كنت فين
بعدين تغيب شهرين كله كويس فى الحالتين
خلاص زهقت من التفكير الكتير
دلوقتى هقولك قرارى الاخير

اذا كان حبنا مكتوب الفراق هوه المصير
هتفضلى زى مانتى مفيش امل من التغير
لو هيه دى الحياه انا جبت اخرى بجد
استحملت كتير معاكى كل حاجه وليها حد
طريقنا كان مفتوح دخلتينا فى حاره سد
متدافعيش عن نفسك مش مستنى منك رد

لما اسألك رايحه فين بتهتهى فى الكلام
لمااسألك جايه منين بتغيرى فى الكلام
اى حاجه كل حاجه بتلجلجى فى الكلام
اصل انتى عندك عاده بتحورى فى الكلام

بتهتهى فى الكلام بتغيرى فى الكلام
بتتلجلجى فى الكلام
اصل انتى عندك عاده بتحورى فى الكلام


***

خلينا اصحاب وبس



قولتيلى خلينا اصحاب ومش بتتكلمى
بشوفك كل يوم بتعدى ومش بتسملى
اتغيرتى واتغريتى وابتديتى تتعملى
حاجات مكنتش اتخيل انك ممكن ليها تستسلمى

عايزه تستفزنى والمشكله ان انا عارف ان هيه بتحبنى
وهيه عارفه نقطة ضعفى والحاجات اللى تجننى
تقعد تشتغلنى فى المواضيع اللى تهمنى
بس اصحابك بيقولولى كل حاجه بتقوليها من ورايا
وانك نفسى ترجعى كل لحظه عشتيها معايا
ازاى اعيش حياه وانتى مش فيها معايا
قوليلى بقى ليه قولتيلى
خلينا اصحاب وبس
خلينا اصحاب وبس

بقالنا سنه مع بعض عايشين فى هنا مع بعض
كنت دايما فاكر ان البعد صعب
اكتشفت حاجه تانيه
شفت الدنيا غير الدنيا
عرفت معنى ان واحده عاوزه تبقى جنبك كل ثانيه
شفت الحب اللى بجد حب حب بيتجدد وانتى حبك اتهد
وانا حبى بيتهدد

دلوقتى عايزه ترجعى
لحياتك اللى فاتت زكرياتك اللى تاهت فى الضباب
لا ده حتى ماينفعشى نبقى اصحاب
جايه تقولى تانى
خلينا اصحاب وبس
خلينا اصحاب وبس

من كتر ماارتبطت بصداقات
واتورطت فى علاقات
اتحورت تفاهات واتطورت خلافات
بقيت اخاف من الارتباط
مابقتشى عارف الفرق بين الحب والصحاب
من اول مره شفتك وانا برتاحلك
عاجبنى فيكى صراحتك وانك عارفه فين مصلحتك
حسيت كذا مره ان انتى عايزه تبقى حره
خلاص براحتك بس ياريت تدينى فرصه انى اشرحلك
واوضحلك ان الحب ده مش ساهل
وانتى الانسانه الوحيده اللى تستاهل
وانا عندى حل وحد بس للمشاكل
خلينا اصحاب وبس
خلينا اصحاب وبس
خلينا اصحاب وبس

***
دى مناظر



برنامج المناظر على قناة ام تى ام

مساء الخير عليكم النهارده فى برنامجنا النهارده
فى حلقتنا النهارده عن المناظر والمظاهر
ومعانا النهارده نموذجين من الشباب
معانا الشاب الهاى كلاس والشاب الموبيىء
وطبعا معانا الدكتور اللى هيحلل شخصياتهم
يلا بينا

دى مناظر ده شاب راسم دور الواصل
دى مظاهر والظاهر ان ده اللى حاصل
دى مناظر ده شاب راسم دور الواصل
والشاطر اللى يهزله راسه يقوله حاضر

ممكن نتعرف بيك؟
انا شاب روش اشطه طحن بيس موت فل حبس
ايه يا فالف يا نجم يا مان
بسافر كل حته وعندى بدل العربيه خمسه وسته
سبعه أوتمانيه أوتسعه مليون جنيه فى الخزنة
من فرنسا بدله ومن ايطاليا جزمه
دادى جايبهملى والثلاث فيلل اللى فى المعادى سايبهملى
ده غير المجوهرات اللى مامى شايلاهملى

بعد ما سمعنا الشاب الكلاس نسمع رأى الدكتور خلاص

معاك حاجات كتير بس مش بتاعتك
دى مش عربيتك دى مش ساعتك
مابتعملشى حاجه لحالك لازم داداى يعملهالك
او انكل او خالك ماهى سهله بالنسبالك
بتتسلسف فى الكلام ومش عارف ايه معناه
دايما صوتك عالى عشان تلفت الانتباه
بتقول بؤيين بعد يومين نفس البوؤيين
عرفنا داداى ومامى انت رحت فين

دى مناظر ده شاب راسم دور الواصل
دى مظاهر والظاهر ان ده اللى حاصل
دى مناظر ده شاب راسم دور الواصل
والشاطر اللى يهزله راسه يقوله حاضر

نتعرف بيك انت كمان؟

متعود على طول استلف حاجات صحابى
التيشرت ده بتاع ماجد والموبيل ده بتاع رامى
وطبعا هارجعهم عشان انا مش حرامى
انا عايش حمله هوه ده نظامى
عربيتى جامده بس عليها اقساط
عموما مش مهم كله بيمشى بالعلاقات
بعيش دور الواصل دايما قدام البنات
لما لما نخرج دايما دايما هما اللى بيدفعوا الشيكات
انا معايا شهاده بس عاطل
بسلك فى كل حاجه بالمناظر
وعلى فكره يا رامكى موبيلك اتصادر
محدش يعرف ياخد منى حق ولا باطل

بعد ما سمعنا الشاب الموبيىء نسمع رأى الدكتور

تماحيك تماحيك تماحيك
اهم حاجه عندك انك تبقى شيك
ويقولك يبنى انا شاب استايل
مش لاقى ياكل بس معاه موبيل
الشخصيه دى هتلاقيها فى كل حته
ممكن يبقى قصير ممكن يبقى جته
واقف بره النادى او قدام المول
اعرف على طول ان ده شاب جندول

دى مناظر ده شاب راسم دور الواصل
دى مظاهر والظاهر ان ده اللى حاصل
دى مناظر ده شاب راسم دور الواصل
والشاطر اللى يهزله راسه يقوله حاضر

ايه انت فاكر نفسك ايه
انت شاب منافق واهو باين عليك
معروف انك كداب من الناس اللى حواليك
مبتبصش قدامك بتبص تحت رجليك
والحقد اهوه باين جوه عينيك
خدت اللى ليك ونسيت اللى عليك


***

روح بدرى



اول حاجه احب اشرح معنى كلمة افتكاسه
متقلقوش يا جماعه ملهاش دعوه بالسياسه
افتكاسه يعنى لما تعمل فكره فى الخباثه
ويمكن انا مش فاهم ايه معناها اساسا

رايح فين وانت مالك
راح فين وانتى مالك
النهارده ماتش الاهلى والزمالك
وانا قاعد فى المقصوره جنبى ناس مشهوره
وجبت معايا كاميرا عشان اخد معاهم صوره

ابويا واخويا وبقية العيله
عايزنى اتفرج معاهم على ماتش الليله
قلت لازم افتكس افتكاسه يعنى حيله
قلتلهم واحد صحبى اتعور طلعتله بقليله

المهم الماتش ابتدى وانا قاعد فى المدرج
لقيت عمرو دياب قاعد جنبى.. بتهرج
الكاميرا فضلت ثابته علينا مش بتتحرك
وطبعا ابويا قاعد فى البيت بيتفرج

وعلى طول روحت البيت ابويا قاللى شرفتنا
وعشان هربت مننا مانتش بايت هنا
قفل الباب فى وشى فتحوا جيرانا اللى جنبنا
قالولى يا حبيبى يانى تعالى بات عندنا

اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى

اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى

مش عايز ابقى روش ولا عاوز العب تنس
انا بس نفسى اسهر من غير ما تقفش
مشكلتى مش فى اهلى دى فى اخويا الحمش
كل اما اجى افتكس افتكاسه تتهرش تتقفش

والمصيبه انى بروح كل يوم فى المعاد
نفسى مره اسهر بره والليله دى بالذات
اخويا قالى روح بدرى عشان عندك امتحانات
وهوه بيقضيها بالساعات يلعبوا استميشن

والنهارده محمود عامل دورة بلاى ستيشن
نفضت لاخويا ورحت لمحمود
ابوه قالى بايت بره ومطرود
نزلت خدت تاكسى قعد يفسحنى ويأخرنى
واما طلعت بيتنا اخويا شافنى وقالى ما بدرى
هخلى ماما تحبسك فى البيت اسبوع
اديته ورقه بميه راح مقفل على الموضوع

اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى

اهلى قالولى روح بدرى
احسن ليلتك مش هتعدى
حوراتى فاشله غصب عنى
كل اما اجى افتكس افتكاسه تفكس منى

بمناسبة تخرجى السنادى
اصحابى علمولى حفله فى فلله فى المعادى
قايل لاهلى فى اسكندريه عادى
راحوا كلمونى فكرونى بمعادى

ابويا قالى ارجع بدى يابنى
ياما مش هتدخل البيت ده تانى
وهوه لسه قافش منى من ساعة ما ابتديت اعمل اغانى
اخدت الكلام ده زى البوكس فى سنانى
اتخنقت وخدت بعضى ورحت قايم

ركبت عربيتى اللى على طول بتعانى
الكوتش ضرب والاستبن نايم
الازاز مكسور والكاسيت مسروق
رحت القسم عملت محضر
روحت البيت فى المعاد مظبوط
لقيبت ابويا نايم بيشخر

اهلى قالولى روح بدرى
احسن ليلتك مش هتعدى
حوراتى فاشله غصب عنى
كل ماجى افتكس افتكاسه تفكس منى

اهلى قالولى روح بدرى
احسن ليلتك مش هتعدى
حوراتى فاشله غصب عنى
كل ماجى افتكس افتكاسه تفكس منى

***

زى مانت عايز



زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس

م أ ى ك ى مايكى هيبدأ الاغنيه دى
اللى سماعنى يرفع ايديه
يرفع ايديه لفوق

انا وكاكى ومحمود
اتفقنا على تلات شروط
هنفضل مع بعض لحد مانموت
ولا حاجه تفرق لا لا نوو

احنا دايما مع بعض
حتحاول توقع بينا صعب
ام تى ام واقفين على الارض
لا لا لأ لأأ صح صح فوق

كنت واقف قدامى او جنبك السماعه
كده يوصلك كلامى
بالعافيه او بالذوق

زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس

م ح م و د اذيك ايه الاحوال
لو صحفى عنده سؤال يرفع ايديه لفوق
كله تحت السيطره ظابط كل حاجه بالمسطره

ابعد عن السماعه خطوه لورا احسن تقع وتدوخ
بقالنا كتير مستنين لفينا كتير على منتجين

احنا اصحاب من تمان سنين ماتغيرشى الموضوع
احنا مش مطربين سمونا زى ما تسمونا خليكم مستنين
تاكى جاى اهوه

زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس

ت ا ك ى وسع يابنى تاكى جه
ماتسألشى فين ماتسألشى ليه
ارفع ايدك لفوق

الشهره انا مش عاوزها
مش عاوز ولا نكله لو كانت هتوقع بينا
خليها احسن تروح

لو كنت اى واحد فى الحفله لو فى عربيتك او فى الزحمه
مشى ايدك مع الصقفه
قولى ايه رايك فى الوقفه عجبتكم ولا لأ
كل الناس اللى قاعده ساكته تقول بأعلى صوت

زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس
زى مانت عايز انا عن نفسى دايس

***

تليفوني برن



تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم
تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم

تليفونى بيرن ترن ترن ترن
والنهارده يوم اجازتى وانا بستجم
مخلص كل شغلى ومش رايح الجيم
ومش طايق اى حد يقولى بم

لازم اخرج مع صاحبتى
طبعا بعد ما اصلح عربيتى
كل دقيقه تليفون من ده ودى
طب كده تمام الشحن فضى

اسمع رنة تليفون مش قادر
مش عايز مش سائل مش فارق مش فايق
متضايق مالآخر مش مهم

تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم

امى مسافره بس النهارده انا عندى مذاكره
عندى امتحان بكره شكرا
مش نازل قبل ما اجيب ورق المراجعه
كل اصحابى عيال فاقده
مالهومش لازمه فى اللجنه
والجو ساقعه مش عارف انزل ولا لأ
انفض احسن كده كده مش فارقه

كل اما اجى انام تليفونى ما يسكتشى
والرنات اللى عليه بتخض
نفسى الشبكه متلقطشى
تليفونى بيرن بس مش هرد

تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم

النهارده يوم اجازتى النهارده يوم اجازتى
قلت لأمى اعمليلى محشى لو سمحتى
عشان وحشنى

تليفونى مقفول بقاله اسبوع عشان انا فى الجيش وهناك ممنوع
دلوقتى بأدى الواجب الوطنى لوحدى
ادونى مساحتى سيبونى براحتى

نفسى اقعد مع اهلى واحكى
رنات مسدجات ليل ونهار
زمامير صفافير طوابير هنهار
لقاءات حوارات شركات اعلانات
عايزين اغنيه للتليفونات

تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم

انا عندى خط بيزنيس مش بتاع رنات
بقعد بالساعات اعمل مكالمات
زهقت كل شويه الناس تدينى مسدات
ايه ده انت خط
طبعا يبنى
طب هات اعمل مكالمه مش هتأخر عن دقيقه
اصل متعرفشى اللى حصلى فى الحقيقه
هكلم المطافى عشان فيه حريقه
يا عم فكك منى دانتو ناس خنيقه

اتخنقت من كتر المعاكسات
بنات معجبات حوارتهم فاكسه
هغير نمرتى عشان صاحبتى قافشه
سورى سورى صاحبتى قافشه

تليفونى بيرن ترن ترن ترن عمال يزن
تليفونى بيرن ترن ترن ترن بس مش مهم

***

ملكشى فيها



بس سكوت مسمعشى صوت
انا نفسى افهم ليه نسيب الوقت يفوت
كلنا هنموت ونترمى فى التابوت
ساعتها مش هتفرق كنت فرخه او كتكوت
مظبوط مانتا عارف كده كويس

بس عايز تفضل هايف والمهم انت مهيس
مش شايف قدامك مش فاهم كلامك
قولى لامتى هتفضل عايش نايم ومصدق اوهامك
الحياه قدامك احسبها صح

فيه حاجات كتير انت بتعملها ماتتصلحشى
الل راح ماجاش واللى جه مارحشى
ممكن تنام متقومشى ممكن تنزل ماتروحشى

هيه دى الحياه مأساه ورا مأساه
واللى راح راح خلاص لازم تنساه
واللى ربنا اداه وف وهم الدنيا تاه
لما ينزل تحت الارض مش هياخد حاجه معاه
بس سكوت مسمعشى صوت

لما حاجه واحده تبقى واخده كل عقلك وحياتك ناسيها
وفاكر ان عادى لما تقفش على اهلك يبقى مالكشى فيها
لو بيتهيألك انك قادر تنسى مشاكلك وتفضل مقضيها
دلوقتى اقدر اقولك من شكلك ان ملكشى فيها

ركز اسمع بص وشوف
حاجه تانيه غير المألوف
من غير خوف من غير كسوف
راح اول لكم انا ليه مخنوق

ودانى مش سامعه وعينى مش شايفه
الا كلام فاضى ومواضيع هايفه
وبنات سايبه وولاد مش فايقه
واهالى رايقه مبقتشى خايفه

واللى زايده الطلبه الخايبه
الدروس مش جايبه فايده
واتارى كل الناس متضايقه
حاجه خلت دماغى تايهه
نفسى الاقيها واخبيها
من كل الدنيا وبلاويها
لو ما فهمتش ايه اللى فيها
يبقى معندكشى سرعة بديهه
وملكشى فيها

لما حاجه واحده تبقى واخده كل عقلك وحياتك ناسيها
وفاكر انه عادى لما تقفش على اهلك يبقى ملكشى فيها
لو بيتهيألك انك تقدر تنسى مشاكلك وتفضل مقضيها
دلوقتى اقدر اقولك من شكلك انك ملكشى فيها

فكر مره والثانيه قبل ماتاخد اى قرار
خليك فايق فى دقيقه وكل ثانيه ليل ونهار
الدنيا دى غريبه تثبيته وحوار
كله نفسه يغير الحقيقه بهزار

مابقاش للواحد صاحب يستأمنه على الاسرار
كله عايز مصلحته القط بياكل الفار
حط فى الاعتبار سرقة الافكار
اى حاجه بتطلع موضه كله بيمشى مع التيار
باختصار ان الحكم بالدولار
حتى اتفرج على نشرة الاخبار

لما حاجه واحده تبقى واخده كل عقلك وحياتك ناسيها
وفاكر ان عادى لما تقفش على اهلك يبقى مالكشى فيها
لو بيتهيألك انك قادر تنسى مشاكلك وتفضل مقضيها
دلوقتى اقدر اقولك من شكلك ان ملكشى فيها

لما حاجه واحده تبقى واخده كل عقلك وحياتك ناسيها
وفاكر ان عادى لما تقفش على اهلك يبقى مالكشى فيها
لو بيتهيألك انك قادر تنسى مشاكلك وتفضل مقضيها
دلوقتى اقدر اقولك من شكلك ان ملكشى فيها

لما حاجه واحده تبقى واخده كل عقلك وحياتك ناسيها
وفاكر ان عادى لما تقفش على اهلك يبقى مالكشى فيها
لو بيتهيألك انك قادر تنسى مشاكلك وتفضل مقضيها
دلوقتى اقدر اقولك من شكلك ان ملكشى فيها


بس خلاص
afro afro lol! farao Laughing study
الرجوع الى أعلى الصفحة اذهب الى الأسفل
 
كلمات اغانى ام تى ام كلها rab
الرجوع الى أعلى الصفحة 
صفحة 1 من اصل 1
 مواضيع مماثلة
-
» كلمات اغنيه بعشقك
» كلمات اغنيه اذا ناوى تروح
» الاماكن كلها مشتاقه لك
» كلمات الى حبيبتى
» كلمات اغنية تايتنك بالعربى والأنجلش

صلاحيات هذا المنتدى:لاتستطيع الرد على المواضيع في هذا المنتدى
منـتـدى رنـيـن :: الفئة الأولى :: رنيــن للأغــــآنـــى والصــــوٍر :: رنيــن لكلمــــآت الأغـــآنــى-
انتقل الى: